ବରଗଡ଼ ରେ ଜାତୀୟ ହସ୍ତତନ୍ତ ସମ୍ବିଲନୀ

ବରଗଡ଼,୫/୧ (ଉତ୍କଳ ସମାଚାର) (ଶ୍ରୀକାନ୍ତ ମଟାରୀ): ହସ୍ତତନ୍ତ କେନ୍ଦ୍ରସ୍ଥଲୀ ପାଲଟିଥିବା ବରଗଡ ଜିଲ୍ଲାରେ ଦୁଇ ଦିନିଆ ହସ୍ତତନ୍ତ ସମ୍ବିଲନୀ ୨୦୨୪ ଶୁଭାରମ୍ଭ ହୋଇ ଯାଇଛି ବେଳେ। ସ୍ଥାନୀୟ ଜର୍ଜ ହାଇସ୍କୁଲ ପଡିଆ ଠାରେ ଆୟୋଜିତ ଏହି ହସ୍ତତନ୍ତ ସମ୍ବିଲନୀକୁ ରାଜ୍ୟ ହସ୍ତତନ୍ତ ଓ ବୟନଶିଳ୍ପ ମନ୍ତ୍ରୀ ରିତା ସାହୁ ମୁଖ୍ୟ ଅତିଥି ଭାବେ ଯୋଗ ଦେଇ ଉଦ୍ଘଘାଟନ କରିଥିବା ବେଳେ ବିଭାଗୀୟ ସଚିବ ଅରବିନ୍ଦ ପାଢୀ , ପଶ୍ଚିମ ଓଡ଼ିଶା ବିକାଶ ପରିଷଦର ଅଧ୍ୟକ୍ଷ ଅସିତ ତ୍ରିପାଠୀ, ବରଗଡ଼ ବିଧାୟକ ଦେବେଶ ଆଚାର୍ଯ୍ୟ ଏବଂ ଅତାବିରା ବିଧାୟିକା ସ୍ନେହାଙ୍ଗିନୀ ଛୁରିଆ ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ଏହି ଅବସରରେ ବାନ୍ଧକଲାରେ ପାରଦର୍ଶିତା ହାସଲ କରିଥିବା ବିଭିନ୍ନ ବ୍ୟକ୍ତି ବିଶେଷଙ୍କୁ ସମ୍ମାନିତ କରାଯାଇଥିଲା । ଦୁଇଦିନ ଧରି ଆୟୋଜିତ ଏହି ହସ୍ତତନ୍ତ ସମ୍ବିଲନିରେ ଜିଲ୍ଲା ତଥା ରାଜ୍ୟ ବାହାରର ହସ୍ତତନ୍ତ କାରିଗର ଭାଗ ନେଉଥିବା ବେଳେ ଏପରି କାର୍ଯକ୍ରମ ଦ୍ଵାରା ଭାରତର ହସ୍ତତନ୍ତ ଐତିହ୍ୟର ସଂରକ୍ଷଣ ଓ ଏହାର ପ୍ରଚାର ପ୍ରସାର ମଧ୍ୟ ହୋଇପାରିବ ବୋଲି କୁହାଯାଇଛି ।ଏହି ହସ୍ତତନ୍ତ ସମ୍ମିଳନୀ ରେ ସାରା ଭାରତରୁ ହସ୍ତତନ୍ତ କ୍ଷେତ୍ରର ୧୦୦୦ରୁ ଅଧିକ ଅଂଶୀଦାର ଯୋଗ ଦେଇଥିଲେ । ସେହିପରି ହସ୍ତତନ୍ତ କ୍ଷେତ୍ରରେ ସମ୍ବର୍ଦ୍ଧିତ ହୋଇଥିବା ୨୦୦ରୁ ଅଧିକ ପୁରସ୍କାର ବିଜେତା ଯୋଗଦେବା ସହ ୨୦ ଟି ରାଜ୍ୟର ୫୦ରୁ ଅଧିକ ସଂସ୍ଥା ଅଂଶଗ୍ରହଣ କରିବା କାର୍ଯ୍ୟକ୍ରମ ରହିଥିଲା। ବରଗଡ଼ ଜିଲ୍ଲା ପ୍ରଶାସନ, ହସ୍ତତନ୍ତ, ବୟନ ଓ ହସ୍ତଶିଳ୍ପ ବିଭାଗର ମିଳିତ ଉଦ୍ୟମରେ ଏହି ସମ୍ମିଳନୀ ହେଇଛି । ଏହି ସମ୍ମିଳନୀର ଉଦ୍ଦେଶ୍ୟ ହେଉଛି ଏହି ଅଞ୍ଚଳରେ ଥିବା ସମୃଦ୍ଧ ସାଂସ୍କୃତିକ ଐତିହ୍ୟ ଓ କାରିଗରୀତାକୁ ଲୋକାଭିମୁଖୀ କରିବା ଉଦ୍ଦେଶ୍ୟରେ ଏହି କାର୍ଯ୍ୟକ୍ରମ କରାଯାଉଛି ।